تحليل وسام | ما قبل مباراة الاتحاد × النصر .. نهائي كأس ولي العهد 2016 / 2017
تحليل ما قبل مباراة : #نهائي_كأس_ولي_العهد 2016 / 2017 ،
#الاتحاد_النصر ,, في الرياض على ( ملعب الملك فهد )
تحليل : وسام بادغيش
#محللي_اتي_تايقرز
@wesambadghish
—————
تحليل نهائي كأس ولي العهد .. الاتحاد و النصر :-
من الجانب الاتحادي :-
التشكيلة المتوقعة :-
هذي افضل تشكيلة موجودة حالياً للاتحاد ، لو فكرت فيها توضح ان بهذا الاسلوب الاتحاد يمدي يلعب على اسلوب الاستحواذ . ليش ؟؟
١- الاتحاد يملك لاعبين ممتازين في اسلوب الاتسحواذ وهو بالنسبة لي ثاني افضل نادي يستحوذ على المباريات هذا الموسم بعد الهلال .
٢- عندما يستحوذ الاتحاد مما يعني سوف يملك فرص لهجمات اكثر و هذا ما نريده بسبب اهدار الفرص الكثيرة في الاتحاد ، فلو كان هجوم الاتحاد لا يضيع الفرص و يقتنصها ، لفكرت ان العب بنفس اسلوب الهلال الشوط الاول .
٣- تقليل الضغط على الدفاع ، و نفسياً تعطي الاتحاد ان له الافضلية لانه هو المتحكم في رتم المباراة ، اضف الى ذلك ان دفاع الاتحاد مخيف في تواجد ياسين حمزه .
٤- اكثر خطة تعطي الاتحاذ الانتشار الافضل ، فلو وجدنا ان فيلانوفيا هو اللاعب الوحيد في المنتصف الامامي ، و هذا بسبب ان فيلانوفيا رغم كبر سنه ، الا انه يمتلك معدل لياقي قوي جداً ، مما جعل المدرب يعتمد عليه كمحور ثالث في حالة حصل المنافس على الكرة .
٥- ليش حطيت عمار النجار ؟؟ عمار النجار لاعب يعرف يمرر و يتجاوز و يدخل يساند في العمق ، اتوقع المدرب فهمه هذي النقطة ، ان يحتاج الوصول للمرمى في اسرع وقت ممكن ، لان هذا افضل اسلوب هجومي للاتحاد ، لان لو دفاع النصر اترتب راح يكون صعب جداً التسجيل عليه خصوصاً ان يعتبر من اقوى ان لم يكن اقوى دفاع سعودي .
اساليب الاتحاد الهجومية معروفة جداً لكن صعب ايقافها :-
١- تمريرات في ظهر المدافعين
٢- تمريرات طولية
٣- تمريرات سريعة للوصل للمرمى
٤- الكرات الثابته ( المباشرة ، و الغير مباشرة )
٥- تسديد من خارج المنطقة ( كهرباء ، فيلانوفيا ، جمال ، العكايشي ، فلاته )
ننتقل للجانب النصراوي :-
تشكيلة متوقعة :-
ليش حطيت هذي التشكيلة ، لان برضو اتوقع النصر يبغى يستحوذ و يسجل من بداية المباراة . ليش ؟
النصر يتوقع ان الاتحاد الى الان تايه من مباراة الهلال ، فافضل شي ان يسجل في بداية الوقت ، و يزيد عليه المصاعب ، اضف الى ان النصر عنده القدرة على الاستحواذ وهو نادي يملك وسط قوي ، الا ان وسط النصر واضح انه بطيء في الحركة و الرشاقة و هذي عوامل مهمة للاستحواذ تنقص النصر .
النصر هجومياً :-
١- النصر من احسن الفرق اللي تمتلك اظهرة متفاهمه مع الاجنحة في التقدم و المساندة الدفاعية بعد الهلال ، و هذا راح يكون امر مزجع للاتحاد .
٢- النصر يمتلك اساليب جماعية كثيرة و اهمها تمريرات ال ١.. ٢ .
٣- النصر في الكرات الثابته مخيف جداً و ايضاً في المساحات منتصف الملعب يملك لاعبين يملكوا دقة تسديد عالية جداً ( ايالا ، توماسوف ، غالب )
٤- في عملية ١ x ١ النصر سوف يتفوق في الحالة الهجومية بسبب ان مهاجمين النصر يملكوا فرديات ممتازة و هذا الشي راح يكون احد الحلول لنادي النصر .
٥- نادي النصر ليس سيء في الكرات الثابته الغير مباشره ، و سجل منها النصر في اخر مباراة ، يملك لاعبين ذو قامات عالية و منفذين ممتازين .
الاتحاد دفاعياً :-
١- اتوقع الاتحاد راح يحاول قد ما يقدر يلعب بدفاع قطع التمريرات . ليش؟
سييرا قد ما يقدر يحاول يقلل الالتحامات الجسدية و هذا نفس الاسلوب اللي سواه في مباراة الهلال عشان الهلال ما يتحصل على اخطأ و يتعب الاتحاد بيها ، لذلك اتوقع يكرر نفس الاسلوب ، الا اني متفائل بنجاحه اليوم .
٢- الدفاع يستخدم دفاع المنطقة ، و هذا بسبب ايضاً نجاحه امام الهلال في الشوط الاول ، كان اللاعب الهلالي اذا تعدى من لاعب على طول يجي لاعب اخر امامه ، و بكذا كانت تقتل جميع المهارات الفردية للاعبين الهلال بسبب هذا الاسلوب ، كانت تقريباً في المربع الدفاعي الواحد لاعبين و هذا افضل حل .
دفاع نادي النصر :-
١- اتوقع النصر يخاطر و يلعب ١x١ بسبب ان النصر يبغى يضغط على الاتحاد في بداية المباراة و هذا اكثر اسلوب في عملية ضغط على الاتحاد ، و يحاول يبغى يخرج الاتحاد من اجواء المباراة .
٢- اتوقع من النصر ان يستخدم اسلوب الخشونه عشان يخرج لاعبين الاتحاد من طورهم ، و تكون فيها تذكير بمباراة الهلال الماضية .
٣- النصر يدافع دائماً ب ٤ لاعبين في المرتدات ، و هذا في الغالب هو عدد لاعبين الاتحاد في الارتداد او ٣ فلذلك اتوقع راح نشوف قدرات دفاع النصر لاعب للاعب امام هجوم الاتحاد .
ملاحظة :-
هذي المباراة نفسية درجة اولى اكثر من انها تكتيكية ، لاعبين الاتحاد يجب ان يتوقعوا كل الاساليب الاستفزازيه من لاعبين نادي النصر ، و يجب على اللاعبين الهدوء و عدم الخروج من جو المباراة ، و ان سجل النصر اولاً فيجب على سييرا معرفة التعامل مع اللاعبين ، اقلها بان تكون بنفس النتيجة الى ما بين الشوطين ، يجب ان يكون هنالك تركيز عالي من اللاعبين ، و عدم الذهاب مع تيار الجمهور ، احداث مباراة الهلال يجب ان تنسى .